Nimin khan district hrang hrangah ‘Road Safety Month- 2024 & No Tolerance Week’ an hmang tan a. Lungleiah chuan Venglai Traffic point-ah Lunglei South bialtu MLA Lalramliana hovin a hawnna hun an hmang.
Lungleia ‘Road Sa- fety Month & No Tolerance Week’ hawng- tu Lunglei South bial- tu MLA chuan “man hla- uh avang chauhva dan zawm kan nih chuan Motor Vehicle Act leh Traffic Rules ten awm- zia a nei thui lovang” a ti a. “Dan te hi keima- hni himna atana zawm tura siam a ni a, Duty awm lai chauhva zawm, awm lo veleh zawm leh lo kan nih chuan lirthei chetsualna avangin nu- nna hlu tak kan la inchan zel ang tih a hla- uhawm hle a ni”, a ti.
Lunglei SP Rahool Alwal IPS pawhin thusawiin, India ram state dang te ngaihtuah chuan Mizoram chu Traffic Rules za- wm thatna ber zing ami ni mahse, Lunglei district-ah kum 2022 khan Lirthei Accident avangin mi 2 in nunna an chan a, kum 2023-ah erawh chuan mi 7 laiin nunna an chan niin a sawi a. “Mitin- in tha takin dan zawm i la, i fimkhur hram hram ang u”, a ti.
DTO Lunglei Beitlotha Nohro report-a a lan danin DTO office-in January 1 – December 29, 2023 chhung in Tax & Vehicle Fees atangin Rs 1,99,59,517 an lalut a, lirthei chi hrang hrang – 2214 register niin, Driving License – 2315, Learner License – 3623 leh Conductor license 2 pekchhuah a ni.
DTO chuan IRAD ( Integrated Road Accident Database) Mizoramin a tarlan dan sawiin, Sept 15, 2021 – Feb 2, 2024 chhungin Mizoramah lirthei chetsualna vawi 372 a thleng a, mi 130 in nunna an chan a. Lirthei chetsual tamna ber chu Lunglei district niin, vawi 100 a thleng a ni.
Lawngtlai-ah pawh nimin vek khan Aerapagi-ah ‘Road Safety Month’ hawnna hun chu Lawngtlai Bawr- hsap Cheemala Siva Gopal Reddy hovin an hmang a. Bawrhsap dan ngaihpawimawhna leh fim- khurnain lirthei vanga chetsualna nasa taka a tih tlem phah theih thu a sawi.
Lawngtlai khawpui chhunga dan za- wm tha, Autorickshaw, Taxi leh Maxi cab driver thlan chh- uahte leh dan ken- kawh kawnga thawk tha thlan chhuah Traffic Police hnenah La- wngtlai district MJA President Elvis Lalth- angzuala’n lawmman a hlan bawk.
Serchhip-ah pawh nimin vek khan Road Safety Month chu Se- rchhip Bazar tualzawlah Serchhip SP MS Dawngkima’n a haw- ng a. Kawngpui hma- ngtu mi chi hnih an awm thu sawiin, lir- thei khalhtute leh ke-a kal nana hma- ngtu te an nih thu a sawi a. Finkhur tawk loh ava- nga vanduaina tawh theihna lakah fimkhur leh zual turin a chah.
Serchhip Police report-a a lan danin, Serchhip District-ah kum 2021 khan lirthei chetsualna thlengah nunna chan mi 7 awmin, kum 2022-ah mi 10 an awm, kum 2023 ah erawh an awm lo thung a ni.