Aizawl : Mamit leh a chhehvel khuaa mit thalo/ khaw hmuh fiahlote tan Aloka Vision Program- me, Zeiss Group Bangalore-in nimin khan a thlawna mit entirna leh tarmit semna hun Mamit district hospital, New Building-ah a buatsaih.
Aloka Vision Progra- mme, Zeiss Group Banga- lore-in Free EYE screening camp an buatsaihah hian Mamit leh a chhehvel khuaa mit lama harsatna nei mi 561 in inentir turin hming an ziaklut a ni.
Mit entirna leh tarmit mamawhte hnena semnaa- h hian test hrang hrang te tih nghal a ni a. Tarmit power mamawh dan azir- in tarmit ngaite a thlawnin pek an ni a, tuntuma pek loh, mamawh si te pawh thla thar ni 11 ah Mamit district hospital atang bawka pek an ni dawn nia thudawn a ni.
Aloka Vision Programme, Zeiss Group Bangalore atang hian team member 8 lo kalin Mamit district hospital a thawk ten an lo puibawm bawk.