Khawzawl District Sponsorship & Approval Committee chu nimin khan Addl DC Lalfakzuala hovin an thukhawm a. Mission Vatsalya hnuaia naupang tanpuina dawng tura chhawpchhuah te chungchang ngaihtuahin, mi 115 te dilna an pawm.
Khawzawl District Child Protection Officer Lalsiammawii leh Protection Officer (IC) Eddie Vanlalrema ten District Child Protection Unit te hnathawh dan tlangpui leh Mission Vatsalya chun- gchang an sawifiah a. Kum 2023-24 chhunga tanpuina (sponsorship) dil zingah mi 115 te dilna an pawm a. District chhunga naupang tanpuina mamawh ten awlsam leh chak zawka tanpuina an hmuh theih nan mumal zawka Village Level leh Block Level Child Protection Committee tuaithar te an rel bawk.
Sawrkar thuchhuah- in a tarlan danin Juvenile Justice (Care and Protection of Children) Act, 2022 chuan a tul- tawpkhawkah lo chuan naupangte chu Child Care Institution-ah dah loh tur an ni, a ti a. Hemi bawhzui zel nan hian Mission Vatsalya hnuaiah naupang harsa zawk te chu an ei leh in, hriselna leh zirna senso chhawmdawl nan thla tin Rs. 4000 a tanpui thin an ni. Tanpuina leh chhawmdawlna te hi approval committee in an pawmpui hnuah chauh pek thin a ni a. He scheme hnuaia tanpuina dawng thei naupang thlanna tehfung chi hrang hrang a awm a :
- Naupang enkaw-l tu ber a nu hi pasal sun emaw then emaw a chhung ten an tuithlar emaw a nihin.
- Naupang fahrah a ni emaw, chhungkhat hnaivai ten an chenpui te.
- An nu leh pa natna khirhkhan vei an nihin.
- Naupang nu leh pa ten retheihna vang emaw harsatna bik riau emaw avanga an enkawl theih lohin.
- Naupang a bik taka venhim ngai – chhiatna vangte, tihluihna a hnathawh tirte, nupui pasal neih luihtirte, tlanbo te, HIV(AIDS) vei te, rualbanlote, kutdawh leh chenna hmun neilo te leh tihduhdah tuar te.
- PM Cares scheme hnuaia awm te. (Covid vanga nu leh pa chan te.