Aizawl : State Day of Prayer Committee bultumin February ni 20 a Saitual-a state day of prayer hman dan tur ngaihtuahin nimin khan Saitual DC Conferece Room ah Saitual Bawrhsap Dr Lalngura Tlau hovin Saituala kohhran hrang hrang aiawhte leh tlawmngai pawl aiawhte an thukhawm.
Saitual Bawrhsap ram hmasawn zel tur chuan sawrkar mai ni lovin kohhran leh khawtlang te thawhhona tha a pawimawh thu sawiin, “Kristian ram kan nihna anga intawngtaipui tawn chu kan tih makmawh a ni”, a ti.
State Day lo pianchhuah dan leh hman rawtna a lo luh dan te Gen. Secretary, State Day of Prayer Committee Upa Dr PC Biaksiama’n a sawi a. Saituala Sate Day of Prayer chu February ni 20 2024, chawhma dar 10 ah Saitual Public Playground ah hman ni se, an ti.
State Day hmanna program ah hian thupui hrang hrang hmanga tawngtairualna neih tur a ni dawn a. Heng zingah hian sual thupachawina leh lawmthu sawina lamte bakah ruihhlo avanga hliam tuar mekte tana tawngtai te a tel.
Khawzawlah chuan State Day of Prayer hi chawhma dar 11 ah Khawzawl Mualvawm Ground-ah hman tura ruahman a ni.