MPCC Senior Vice President Lal Thanzara chuan Congress party-in hruaitu thar an thlan turah a tlinglo lam phuba lakna ang maia inrahbehte tha a tih loh thu a sawi.
Thawhlehni khan MPCC chuan Congress Bhavan-ah infuihtharna hun an hmang a. He hunah thu sawiin MPCC Sr Vice President chuan Lal Thanzara chuan, MPCC elected OB inthlanna neih turah a tlinglo lam phuba lakna ang maia inrah behte tha an tih loh thu sawiin, “President atana mi duhsaknaa kan tling a nih chuan, mi mal tak pawhin inlungrualna tur ka ngai pawimawh dawn,” tiin, Congress party inthlanna turah tawngkam mawi hman a pawimawh thu a sawi.
MPCC Vice President Lalnunmawia Chuaungo pawhin, Congress party chu ram tana hnathawk leh tur leh, rorelna tha ram mipuite pe tura an tan rual a ngai tih sawiin, “Party mipui mai ni lo, Mizoram mipui, party awn bik pawh nei lo ten rorelna thaa beiseia an tuihalna chhawk zangkhai turin Congress Party-ah theihna a awm, chu chu Mizoram mipui hmuhtir hi kan tum a ni,” a ti.
February 20, 2024-a Congress party-in hruaitu an thlan tur chungchang sawiin MPCC Treasurer Dr Lalmalsawma Nghaka pawhin, “Kan ram mipuite rawngbawl sak leh thei tura chakna thar leh tumruhna thar kan neih theih nana Pathian hruai theih hruaitu thar kan thlan chhuah hi ka duh ber a ni,” a ti bawk.