Aizawl: Chin Baptist Council, USA chuan nimin khan Central YMA hnenah ruihhlo dona atana sum hman tur an hlan.
Chin Babtist Council, Women Deptt. USA te chuan nikum atang tawh khan Central YMA te’n ruihhlo an dona kawnga tangkaia an hman turin thla tin, US $ 1000 chu Central YMA hnenah an hlan thin a. Tun tumah hian CBC USA Women Deptt te hian January – June, 2024 (thla 6 chhung) atan US $ 6000/- (Rs 5,04,000) chu Central YMA account-ah thun.
CBC, USA ten ruihhlo do ngai pawimawh a, Central YMA te hnena tanpuina an pe thin chu Central YMA chuan lawmthu sawiin, an sum pek chu tangkai taka hman a nih ngei tur thu an sawi.
CBC, USA hi kohhran 115 lai awmna niin, tunah hian kohhran member mi 3,50,000 chuang zet an tling a ni.
Mizoram chunga chhiatna thleng hrang hrangah te leh tun hnaia Myanmar raltlante tan pawh tanpuina pawisa vawi eng emaw zat an lo thawn tawh thin a ni.