Aizawl : Kumina Lok Sabha inthlan lo awm tur atana inbuatsaihna kal zelah nimin atang khan DC Conference Hall, Hnahthial-ah Electronic Voting Machine (EVM) First Level Checkingneih a ni.
EVM First Level Checking hi ni hnih chhung neih tura ruahman a ni a. Ballot Unit (BU), Control Unit (CU) leh Voter Verifiable Paper Audit Trail (VVPAT) te chu uluk taka endik vek a ni anga, polling station a hman tur leh reserve a dah tur te thliar hran an ni ang.
EVM khawl-CU, BU leh VVPAT-te chu Electronics Corporation of India Limited (ECIL) Company siam niin, Company Engineer ten an endik a. Party aiawh kal ten khawl chu hmet chhinin mock poll an nei bawk.