Minister of State Prof. Lalnilawma’n nimin khan Saituala a Department chan hrang hrangte leh District Hospital a tlawh a, Department hotuten an lo dawngsawng.
PHE Minister hian PHED Office, Saitual chu tlawh hmasaberin, an dinhmun tlangpuite thlirhovin hmalakna tur hrang hrangte an sawiho a. Saitual Water reservoir pawh tlawhin, harsatna awm mek te leh siamthat dan turte a enfiah.
Sawrkar thuchhuahin a tarlan danin Saitual chawmtu hi PHE hian Ltr nuai 49 an nei a, tanky 4 a awm a, saitual town chawmtu litre nuai 13 vel niin, litre nuaikhat dawng Tanky erawh a put thei avangin siamthat dan tur te an enho nghal a ni.
DRO Office pawh tlawhin, Prof. Lalnilawma chuan office dinhmun leh staff nghet an neihloh thute bakah mamawh hrang hrang te an lo thlen.
Saitual District Hospital pawh tlawhin, construction site leh hmalakna tur hrang hrang te a enfiah a, thawktu ten an harsana te an lo thlen bawk.
Horticulture Office pawh tlawhin, Saitual Horticulture dinhmun tlangpuite DHO-in a lo hrilh a. Saitual hoticulture hmunhma leh site office te a tlawh a, tul leh pawimawh hrang hrangte an sawiho nghal.
Minister of State Prof Lalnilawma’n Department hrang hrang a tlawh zawh hian Primary School II, Saitual chu tlawh lehin school naupangte leh zirtirtu ten an lo dawngsawng a, MLA fund atangin Computer set leh printer a pe a ni.