Champhai District Child Protection Unit hnuaia Sponsorship and Foster Care Approval Committee chu nimin khan an Cha- irman, Bawrhsap James Lalrinchhana hovin an thukhawm a. Kum 2022 leh 2023 chhunga naupang sponsorship leh foster fund dilnate enfiahin, naupang 130 te dilna an pawm.
Champhai District Child Protection Officer R. Lalrinchhani’n District Child Protection Unit hmalak dan tlangpui leh Mission Vatsalya chungchang a sawifiah a. Committee member te pawimawhna leh an mawhphurhna hrang hrang te pawh sawiin, tanlak thar zel a tul thu a sawi.
Sawrkar thuchhuahin a tarlan danin Foster Care Approval Committee hi Mission Vatsalya (Child Protection Service) hnuaia awm niin, Sponsorship hi naupang kum 18 hnuailam, harsatna hrang hrang leh retheihna avanga zirna mamawh, eitur leh damdawi hmanga inenkawl ngai, inenkawlna tur nei si lo te chhawmdawlna tur atana duan a ni.
Foster Care hi naupang inenkawltu chhungkaw mumal an neih loh a, chhungkaw dangin tha taka an lo enkawl lailawk hi a ni a. Tupawhin enkawltu mumal nei lo naupangte enkawl thei tur leh tanpui thei tura an inhuam chuan, District Child Protection Unit, Champhaiah zawhfiah theih reng a ni tih sawrkar thuchhuah chuan a tarlang bawk.