Aizawl: Chief Minister Lalduhoma’n nimin khan a pisa-ah Rajni Bajpai, Senior Public Sector Specialist & Economist, World Bank a kawm a. Mizorama World Bank sum hmanga hmasawnna hnathawh theih chi thilte a sawipui.
Mizoram Chief Secretary Dr. Renu Sharma hova Mizoram sorkar hotute nena Mizorama hmalak theihna tur thil an sawite chu Bajpai hian chief minister a hrilhfiah a ni.
Ruahmanna an neihte chu World Bank Management thuneitu sang lamah thlenin anni’n an tihhlawhtlinsak theih chin an tihchiang hnuah chief minister ho hian an thlir ho leh dawn a ni.
An inkawmnaah hian chief minister hi TBC Lalvenchhunga, Adviser to Chief Minister leh Lalmalsawma Pachuau, Secretary, Planning ten an telpui a ni.