- Ruata
Hero Motocorp chuan mi tam takin an nghahhlelh em em, an bike changkang ber tura ngaih theih, Mavrick 440 chu Rs Nuai 1.99 (ex-showroom) man atanga tanin an tlangzarh ta!
Book duh tan chuan Hero MotoCorp dealership-ah emaw internet kaltlangin emaw book theih a ni a. Hero Mavrick bike thar mawi tak hi April thla aṭangin hralhchhuah tan a ni dawn a ni.
- Chi hrang
Hero Mavrick 440 hi variant pathum – Base, Mid leh Top a awm a, a man hi a indawt danin Rs nuai 1.99, Rs nuai 2.14 leh Rs nuai 2.24 (ex-showroom pan-India) man te a ni a. Company hian ‘Welcome to Mavrick Club Offer’ an siam bawk a, hei hi March ni 15 hmaa Mavrick 440 book tute tan a ni dawn a. He offer hnuaiah hian Customized Mavrick Kit – Accessories & Merchandise Rs 10,000 man an dawng dawn a ni.
- A khawl leh thil dang
Hero Mavrick hian air cooled with oil cooled 2V single-cylinder 440cc ‘TorqX’ engine hmangin he long-stroke engine hian 6,000rpm-ah 27bhp a pe chhuak a, 4,000rpm-ah peak torque 36Nm a pe bawk. Hero chuan peak torque 90% chu 2000rpm chauh atanga chhuak thei a nih thu an sawi a. Engine hi 6-speed transmission nen thlunzawm a ni a, slip-and-assist clutch a kentel bawk a ni.
Mavrick hi Trellis frame nghahchhana duan niin suspension lamah chuan telescopic front fork (130mm travel) leh Hydraulic Rear twin shock swingarm mount (130mm travel) kan hmu a. 17 inch wheel neiin, a hma leh hnung lamah a indawt danin 100/70 leh 150/60 section tyre te a hmang a. Brake lamah chuan Mavrick hian 320mm front disc leh 240mm rear disc a hmang a, dual-channel ABS system chu standard angin a nei bawk a ni.
- A rawng leh ken tel
Mavrick 440 Base variant hi Arctic White rawng a ni a, Mid variant hi rawng chi hnih – Fearless Red leh Celestial Blue a awm bawk. Top variant hi rawng chi hnih tho – Phantom Black leh Engima Black te pawh a awm bawk a ni.
Hero Mavrick 440 hian single-seat nuam tak, grab handle hman awlsam, mid-set foot pegs leh low-set wide handlebar a keng tel a. Fuel tank lawk nalh tak a nei a, a body bawr hrang hrangah hian metal styling a nei a, LED projector headlight bial, DRL, leh intelligent automatic headlight a nei bawk. Mavrick seat san zawng hi 803mm a ni a, ground clearance 175mm a ni. Alloy wheel hmang zawk hian curb weight 187kg a nei a, Spoke wheel version erawh 191kg a rit a ni thung a. A fuel tank-ah hian 13.5 litre petrol a leng a ni.
Hero atangin bike changkang leh mawi tak mai kan hmu leh ta a. Hei hian Hero pawh market lamah nasa taka a puih a beiseiawm a. Mavrick bike design ang hi he huang hi tunhnaia bike hralh kal ber te zînga mi a nih avangin lei tute pawhin an bawh viau a beiseiawm a. Thalai bakah kum upa lam thleng pawhina an duh tur chi bike mawi leh changkang tak a ni.