Jammu & Kashmir-a helhovin nimina Central Reserve Police Force chuanna lirthei an beihnaah 18 an thi a, mi dang eng emaw zatin hliam an tuar bawk.
Helho hian Srinagar atanga km 30 vela hla, Jammu-Srinagar highway-ah, Lethpora bulah CRPF sipai phurtu lirthei 2 zin hi IED hmanga lo beiin pakhat zawk hi an tipuak a. Jaish-e-Mohammed firfiak pawl chuan an tih niin an chhal.
Sipaite hi 54 battalion an ni a, IED puak hi a na hle a, bus pawh a tichhe hnehin a taksa (body) bungte pawh a darh deuh nuai a. Bomb a puah hnuah hian hel hian silai an hmet puak zui bawk nia sawi a ni.
JeM hian he beihna hi tualchhung mi thalaiin a tih niin sawia. Police-te chuan an sawi ti Pulwama-a Kakapora-a cheng, Adil Ahmad a nih thu leh kum 2018-ah JeM hi a zawm niin an sawi.
CRPF convoy hi helho hian autorickshaw-a IED an kam hmangin thihchilhin an bei a. Sipaite hi Jammu atanga Srinagar pana kal an ni a, autorickshaw hi kawngpui sirah an hung a, kawngpui hi CRPF, Jammu & Kashmir police leh sipaiten nasa taka an ven a ni a, hel dangte an zawng zui nghal an ni.