Aizawl: Chief Minister Lalduhoma’n Old Pension Scheme (OPS) hman chungchanga central leh state study team zirchianna ngaihchan phawt a ni dawn tih a sawi.
Chief minister hi Mizorama sorkar hnathawk OPS hman duh pawl, Mizoram Movement for Old Pension Scheme (MIMOPS) hruaitute a pisaah hmuin OPS hnuaiah sorkarin lalut ve se an duhna te an thlen.
MIMOPS hruaituten an thlen chungchangah chief minister hian ZPM chuan inthlan hma khan an tiam ngai lo a. A chhan chu central leh state study team zirchianna an ngaihchan phawt duh vang a nih thu sawiin, “Ram pum huapa kan chai mek a nih avangin central zawk pawhin a la tidanglam duh hial mai thei. Tuna kan tihtheih chu Mizoram state study team ngaihchan phawt a ni a. Anni pawh hian Central Study Team report an la ngaichang leh dawn niin a lang a. An report hmu phawt ila, kan sawi ho leh dawh nia,” tiin sorkar dinna a hrilh.
MIMOPS hruaituten chief minister hnenah CM’s Relief Fund atan Rs. 10,000 an hlan nghal bawk.