Serchhip District Sponsorship and Foster Care Approval Committee chu nimin khan Serchhip Bawrhsap David Lal- thantluanga hovin an hukhawm a. Kum 2023-2024 chhunga Mission Vatsalya (Chi- ld Protection Services) hnuaia Serchhip district chhunga naupang tanpuina dil 127 zinga naupang 125 te dilna an pawm.
Member Secretary, DCPO Lalsiampuii’n Mission Vatsalya hnuaia Naupang tanpuina chhungchang leh an zir- chhian dan te a sawifiah a. Sponsorship dawng tur hian district chh- unga Village Council te leh school hrang hranga zirtirtute biak niin, pek ngai nia an hriatte chu DCPO in a hmuna kala a zirchian hnuah Child Welfare Committee-ah chhawpchhuah a ni a, committee in enkawl leh venhim ngai nia an hriatte chu District Sponsorship and Foster Care Approval Committee-ah hian pawmpui turin an chhawpchhuak leh a ni.
Siaha District Sponsorship & Foster Care Approval Committee pawh nimin vek Addl. DC Lalnunmawii hovin an thukhawm a. Addl. DC chuan Siaha District chhunga naupang tanpuingai zualte tana Sponsorship pek chu thil pawimawh leh tul tak a nih thu sawiin, tanpuingaite tanpui an nih theihna turin member ten theihtawp chhuah a tul thu a sawi a. Tanpuina dawng tur thlan kawngah fimkhur a tul thu sawiin, a mamawh dik tak chauh thlang chhuak tura dik leh lai taka hmalak a tul thu a sawi.
DCPO, Member Secretary ni bawk Laltlanmawii’n Mission Vatsalya kaltlangin kum 2023-2024 atan Siaha District chhungah naupang 130 tan Sponsorship & Foster Care hnuaia tanpuina tur sum an dawn thu a sawi a. Heng naupang thlanchhuahte chu Child Welfare Committee, Siaha-in a hriatpuite an nih thu sawiin, committee-ah hian pharh a nih hnu ah an pawm a ni.