Wolves chuan sum hlep leh hloh chungchanga inkhuahkhirhna dan an bawhchhiat loh nan nipui bazar inhawn hunah Portugal winger Pedro Neto an hralh dawn. Kum 23 mi Neto hi EPL club lian Liverpool, Arsenal, Tottenham leh Manchester United ten an hmutai hle hlawm. (Sun)
Manchester United chuan an director of football thar ni tura an dawr Dan Ashworth chungchangah Newcastle nen kar thar tir lam khian inremna neih fel hman an beisei. (Mail)
Manchester United chuan kum 22 mi Crystal Palace winger Michael Olise lak dan tur an ngaihtuah. (90min)
United hian nipui bazar inhawn hunah Juventus atangin Brazil defender Gleison Bremer lak an duh bawk. (Calciomercato – in Italian)
Barcelona chuan nipui bazar inhawn huna lak an tum ber atan kum 22 mi Everton leh Belgium midfielder Amadou Onana an dah. (Fichajes – in Spanish)
Everton midfielder Onana hian January thla khan Arsenal zawm theihna hun tha a neih a hnar. (Mirror)
West Ham United atanga David Moyes a chhuak a nih chuan Brighton leh Chelsea boss hlui Graham Potter chu Hammers manager thar ni thei zingah a tel. (Telegraph – subscription required)
West Ham leh Brazil midfielder Lucas Paqueta chu Manchester City in an zui uluk hle a, kum 26 mi khelh dan hian an mit a la hle. (Football Insider)
Premier League club lian Manchester City leh Liverpool te chu kum 21 mi Shakhtar Donetsk leh Ukraine midfielder Georgiy Sudakov ngaihven zingah an tel. (Calciomercato – in Italian)
Barcelona chuan nipui bazarah Manchester City-a contract hmang zo tur England forward Lauren Hemp an thlithlai. (Standard)
Barcelona hian Manchester United leh Chelsea te nena sawi zawm Netherlands midfielder Frenkie de Jon manah £85m an chhiar. (Mundo Deportivo – in Spanish)