- George L. Ralte, Vaivakawn
Kan khawvel hmasawnna in a ken tel zing a pakhat chu changkanna hi a ni.Hei hian kan khawvel hi a fang mek zel a ni.Mi thiam ten a an sawi fo thin chu kan ramah hian Kristianna a lo luh atangin changkanna lam kan pan chho mek zel niin an sawi a,hei hi a dikna chen pawh a awm thei awm e.Tunlai changkanna hian Kristianna nun mawi leh tha a ti bo ni te hian a lang thin.He kan khawvel changkang chho mek zel ah hian kan Kristianna ti nung chho a ti hmasawn zel turin nu leh pa te mai bak ah thalai te hian nasa tak a tan kan lak zel hi a pawimawh tak zet a ni.He kan Kristianna hi kan tih nung thar zel loh chuan Pathian thu lam a min kaihruaitu atana kan dawn thin te leh Pathian thu zir mek ah te pawh a ni ang chu he kan khawvel changkang mek zelna hian kan hriat loh hlanin min hruai bo ve mai a hlauhawm a ni.
Sap ho tih dan Mizo ten kan entawn thin leh sap ho in an sawi fo thin SIMPLE LIVING & HIGH THINGKING an tih hi kan ram ah hian kan hmeh bel thiam a pawimawh tak zet a ni.Kan nitin nun hun hmanna ah leh Kristianna ah pawh Kristian za ah za in ti te hi kan in enfiah a leh kan in bihchian fo a tulin kan mawhphurhna a ni tih hi i hre chiang ang u.
Kristianna ti chhe zawng leh ti bo zawng a changkan hi Pathian duh loh zawng a ni tih hi i hai hauh lo ang u.
Khawvel a changkang zel a hnam ropui leh changkang zawk ten a an hman nasat em em Media hi rawngbawlna hmanrua langsar tak atan hian Kohhran hrang hrang a thalai pawl te hian in hma lakna mek a ni emaw hma in lakna thar a nih pawhin tun aia nasa a Media hi hmang thiam a,zau zawk a Media hmanga chanchintha puan darh hna thawhna atan leh Kristianna chawi nung thar zelna atan tangkai tak a in hman ka duh tak zet a ni.
Changkanna ah hian thil pawimawh tak awm chu THIANGHLIMNA hi a ni.Thianghlimna hian kan ram leh hnam mai bak ah kan Kristianna hi nasa takin a ti hmasawn a,thianghlimna hi kan ngaih pawimawh loh chuan kan ram hi a changkang thei lo ang a, hma lam panin hma kan sawn thei dawn lo tih hi kan hriat reng atan a tha khawp mai.Thianghlimna lam ah changkan kan duh chuan zuk leh hmuam kan tih thin dan ah te kan in sum a,bawlhhlawh kan paih thin dan ah te kan fimkhur thar a, kan rilru leh kan ngaihtuahna te tun aia nasa zawk a kan tih thianghlim hi a pawimawh a ni.