Basketball Federation of India (BFI) chuan Panel A & B referee exam a buatsaih result a tichhuak a, Mizoram atangin Mi-chael Lalremruata chu Panel B referee ni turin a tling thar.
Kulikawn tlangval Michael Lalremruata hian January 21 – 27 chhunga Bengaluru a neih 72nd Junior National Basketball Cha-mpionship neih chhung in Panel B referee hi a exam a, a phu ang ngeiin hlawhtlinna a chang a. State leh National-ah referee a chhawr theih a nih tak thu BFI in an puangchhuak a, Michael-a hi certicate an hlan bawk.
Mizo zingah Lalhmunsiama Ralte chu BFI Panel A referee a ni mek a. Michael Lalremruata nen hian Panel B referee pasarih an awm mek thung.
Mizoram Basketball Association (MBBA) hruaitute chuan Panel B referee tling thar Michael Lalremruata an lawmpui thu an sawi a. A kal zelna turah duhsakna sang ber an hlan.