Super Bowl neih zawh takah khan Taylo Swift-i’n a petchhuak ni awm a sawi chu Kanye West-a’n dawt-a inpuhna leh thu dik lo hul hual a nih thu a sawi.
Hemi rual hian Taylo Swift lar zual zelnaah pawikhawihtu ai mahin tanpuitu a ni zawk, a ti bawk.
NFL star hlui Brandon Marshall-a’n Las Vegas, Nevada-a Super Bowl-ah khan West hi Taylor-i te awmna room-ah ticket manto tak nen a lo lut a, Taylor a thinrim hle a, phone call a tih hnu-ah a chhunga awm te chu pungkhawmin stadium atangin West hi an petchhuak, tia a sawi chuan boruak a nei lian zui viau a, social media lamah an khel lai laih.
Inpuhna mawi lo leh mualphothlak tak ni ngei lang hi instagram lamah West-ah chhangletin, “Super Bowl atanga petchhuak ka ni reng reng lo. Thiante dang hmu turin ka insaseng zawk mai a, stadium chhunga section dangah ka thu,” a ti.
Post thar a siam belhah West vek hian, “In la hre vek turah ka ngai a, Scooter (Taylor Swift-i producer hlui)-a’n a hriat loh hlan a master a leichhuah khan Taylor lamah ka tang tlat a nih kha.
Ani leh Beoynce te hi musician zawng zawng te chakna hnar an ni a, movies a ni emaw tour pawh ni se, ticket hralh zo rang ber ber te an ni,” a ti bawk.
Heng te vang hian Taylor Swift-i larna kawngah pawikhawihtu ni lovin, tanpuitu a nih zawk thu leh a fan te hnenah an hmelma a nih loh thu te, an thiantha pawh a nih chuan loh thu te in a umzui hlak bawk.