Champhai District Cooperative Development Committee (DCDC) chu nimin khan an Chairman Bawrhsap James Lalrinchhana hovin an thukhawm a. Bawrh- sap chuan DCDC chu district huamchhunga cooperative movement tihmasawn tura mawhpurhna fawng chelhtu a nih angin member tin ten theihtawp an chhuah a tul thu a sawi.
DCDC Chairman chuan a theihna apiangah department-te tangtlanga convergen- ce-a hna kalpui thin a tul thu a sawi a. India ram hmun hrang hrangah Cooperative movement kaltlangin hmasawnna tam tak hmuh a nih tawh thu leh Mizoram leh Champhai district-ah pawh economy tihhmasawn kawngah leh miharsate dawmchhuah kawnga hmanraw pawimawh tak a la nih ngei a beisei thu a sawi.
District Cooperative Officer & Conve- ner DCDC B. Lalchhanhima’n DCDC thil tum te leh Champhai district huamchhunga Cooperative Society dinhmun tlangpui te a sawi a. District Cooperative Office, Champhai ah Champhai District leh Khawzawl District te bakah Ngopa RD Block chhungah Cooperative Society 216, Large Ar- ea Multipurpose Societies (LAMPS) pakhat leh District Level Cooperative Society pahnih in register an awm mek a ni.
He thutkhawmah hian Cooperative Society dinhmun tlangpuite leh hmalak tul te an sawiho a. Dam- dawi hrang hrang man man zawka hralh ch- huahna sawrkar laipui scheme Pradhan Man- tri Jan-Aushadhi Yojana pawh Champhai District ah din ngei a nih theihnan hmalak nghal ni se, an ti.
Ran vulh a bikin Bawng vulh leh San- gha khawi (Dairy & Fishery) lama district chhunga Cooperative hnuaia hmalak theih te leh Bank te nena tanrual theih dan te zirchian nghal ni se, an ti a. Champhai District Milk Producers’ Co-operative Un- ion Limited (CHAM- UL) chungchang paw- h ngaihtuahhovin, kal- pui chhunzawm zel a nih theih nan leh a tul leh pawimawh te lo bawhzui turin District Cooperative Officer B Lalchhanhima leh District AH&Vety Officer Dr Lallawmsanga Tlau te an ruat nghal bawk.