Mizoram Football Association chuan SAFF Under 19 Women’s Football Championships 2024, Dhaka, Bangladesh a khelh zawh taka Cindy Remruatpuii Colney telna India team an champion chu lawmawm a tiin; India team a midfielder pawimawh Aizawl Armed Veng tleirawl Cindy Remruatpuii Colney hlawhtlinna chu ropui a tiin a chhuang takzet a ni.
India rama Women’s League sang ber Indian Women’s League (IWL) a East Bengal tan a khel mek, Pu Lalbiaksanga Colney fanu Cindy Colney hian Mizoram chhung bakah, India rampum huap inelna, Subroto Cup leh Khelo India Youth Games-ah te tha takin a lo khel tawh a, India Under 17 Team tan pawh Asian Cup Qualifiers a lo khel tawh a ni.
A ball pet thiamzia leh a thunun thiamzia video, khuavel thangchhuak khawpa lar khan Mizo hmeichhe football a chawi sangin, tuna a hlawhtlinna hian hlawhtlinna dang tam tak paw chhuak zel se tiin Mizoram Football Association chuan duhsakna sang ber a hlan.