Aizawl: ZPM General headquarters executive member tur thlanna chu nimin khan Dawrpui Multipurpose Centre, Aizawl-ah neih a ni.
Executive member thlanna hi chawhma dar 11 arang khan neih tan a ni a, Mizoram College Teachers’ Association (MCTA)-ten inthlan hi an buaipui a, hming pelut mi 442 atangin mi 100 thlanchhuah an ni.
ZPM General headquarters executive member thlannaah hian national council member ni laiten vote an nei a, inthlannaah hian vote nei kal an thra hle a ni.
ZPM Executive Member tur thlannaah hian nimin lama ZPM Office Bearer atana thlan tharte takte bakah, Chief Minister Lalduhoma leh minister bakah MLA eng emaw zat an tel a ni.
Hemi chungchang thuchhuah an siamah ZPM chuan elected OB leh executive member thlanna tluang taka an nei thei chu lawmawm an tih thu an sawi a, party inthlanna an neiha tha leh zung thawhtute chungah lawmthu an sawi.