- Lallunghnema, Charity Lodge
Chibai ule,
Consumer Issue hian a huam zau hle a.Huam loh pawh a nei lo tih tur a ni.Tunah pawh hian tunlsia sumdawnna lar ber pawl Online Shopping lam kan hawi lawk ang a,Zirlaibu man chungchang ka sawi zuai dawn a ni.
Online Shopping pakhat hnenah ‘ti hian WhatsApp Message ka thawn a:
Chibai le,
Kei hi, Lallunghnema,Consumer Activist ka ni a.Centre For Consumer Education a Chairman ka ni bawk a.Ka hna thawh ka buaipui ber chu thil leitu leh hmangtute(consumer) puih a ni.Tling lo tak leh hreh tak chungin Consumer Protection Act,2019 hmangin sumdawng leh dawrkaite ka hmachhawn ve thin a. A chang chuan harsat ka tawkin a changin inpawh takin kan titi ho bawk thin. Mi pakhat,Andrew Lalchhandama,Nursery Venga mi hian pheikhawk in Online Shopping kal tlangin a chah a.A man pawh a pe vek tawh a.
Mahse,vanduai thlak takin a chah loh zawk, size ni lo,a bun tawk loh, a lo thleng a.thleng leh a duh a ni. Tichuan, pheikhawk man a pek tawh chu refund a rawn dil che u a,mahse, in lo phalsak lo a ni awm e.Ani,Andrew-a mangang hian, kan hnenah a lo zualko a.
The Consumer Protection Act 2019 chuan thil lei tawh thleng leh theih a nih thu chiang takin a sawi a.He Act hmang hian thil tisual tute chu hrem theih an ni.Nangni pawhin Dan angin pheikhawk man hi in lo refund ve mai tur ni âwm tak a ni.Hemi chungchangah hian vawi duai lo biak che u,ka tum a.Vawiin chawhma hun thleng pawh hian ka be thei lo che u a ni.Customerte kuta innghat Sumdawng in nih avangin in customerte/consumerte tihlungawi chu in duty a ni ve bawk.Chuvangin harsatna lian zawk a thlen loh nan, an pawisa chu refund turin ka ngen a che.
I rintlak,
Lallunghnema.
He ka message hian kawng ro a su a ni chek ang chu, harsatna tawk tlangval hian refund a hmu a. Ka lawmpui khawp mai.
- Hei hi chhiar ve rawh:
- Zirlaibu printed price tichhia a, a man phuah chawp!
- Zirlai nu leh pate tan phur rit !
- Consumer-te hmâ khua:
Kan hriat thar leh thin tur chu thil leitu tupawh hi consumer an ni a.Dikna leh Chanvo chuh theihna an nei a ni.Hei hi Consumer Protection Act 2019 chuan a sawi chiang hle a ni.CPA 2019 chapter 2(7) -ah chuan consumerte hi tute nge an ni tih definition chiang takin tarlan a ni a.Thil leitu leh hmang tu,tupawh consumer an ni.Mi zawng zawng consumer kan tawp mai.
Lehkhabu leitu zirlaite leh an nu leh an pate pawh hi consumer an ni.I dikna leh i chanvo chu khawiah pawh a awm a ni.
Tun hnaiah Lehkhabu Dawr thenkhatah printed price ti chhia a, lehkhabu man phuahchawp ziak hmuh tur a awm nual mai a. Hei hi The Consumer Protection Act 2019 kalh a ni a,Section 47 of the CPA 2024 – Unfair Trade Practice a ni thei. Consumer-te rawkna a ni.Dan bawhchhiatna a ni.
Heng Lehkhabu man phuah chawp huat thla la tak avang hian zirlai nu leh tam takin pawisa tam tak an sen belh phah a ni.Hetiangin lo chhut ila:
Zirlaibu pakhat man zat(MRP)dik tak– 435
- Phuahchawp — 480
- Mipui an rawkna— 45
- Bu 5000 hralh ta se –225000 an ei ru tihna a ni ang.
- Zirlaibu dang pakhat chu mrp Rs 550/- a nih laiin Rs 595/- ziak chawpin hralh a ni a.Bu khat zelah Rs 45/- an ei ru tihna a ni.
- Bu 5000 hralh ta se.Rs 225000 an ei ru zel tihna a ni a. Hetiang a ti thin lehkhabu zuartu te hi an corrupt hle, tihna a ni.Lehkhabu man an hlep bakah a leitute pawisa tam tak an hneh chhuh a.
Sawrkar hian hre tak maw!