Super Bowl 2024 neih zawh tak a Amah vawrhlartu Usher a pui duh lo nia sawi leh sel karah Justin Bieber hian a chhan leh vang tak sawi lo mah se, Usher zawk hian a sawmna a hnar chungchangah a hriatthiam thu a sawi.
Minute 13 chhung medley pui tak nena a hmuna awm leh TV atanga lo thlirtute awihlimtu Usher hi Alicia Keys, H.E.R., Will.i.am leh midangte’n dawhsanah an tawimawm a ni.
He hun thlen hma hian Bieber hi Usher-a tawiawm turin a inlan ngei dawn niin thu a thang nasa hle a, Usher pawh hian a sawi thawi nghe nghe.
Amaherawhchu, a hun a lo thleng a, Bieber hmel hmuh tur a awm lova, beiseina sang tak nena thlirtu fan tam tak a tibeidawng hle.
A pu sawmna hnawl a, inlan loh chhanah hian tel chakkna leh tel duhna thlarauin a pawl lo nia sawi a ni a, pressure nasa tak a awm thin vang leh ruhmanna nasa tak neih lawk ngai te a nih vangin a inlan loh a thlang zawk, tih a ni.
Usher leh Bieber te inkarah inhmuhthiam lohna emaw inhmuhtui lohna a awm lova, Bieber hi a inpeih lova, inlan a phur fahran lo mai ni awm a sawi a ni.
Usher hi rimawi khawvela JB larna tura kawng sialtu pawimawh tak a ni a, 2008 khan ama record label kaltlangin tleirawl mai a la nih laia vawrhchhuaktu niin, 2010 khan ‘Somebody To Love’ hlaah an thawkho bawk.