MIZOFED Filling Station, Kawnpui Bangla Veng ami chu Inrinni khan Supply Minister B. Lalchhanzova’n a hawng.
Supply Minister chuan a huhova sumdawnna chu mi chan- gkangte kalkawng nia sawiin, ‘Cooperative Society leh a peng hrang hrangte chu a huhova sumdawnna a nih thu leh ram leh hnam hmasawnna tura rahbi pawimawh a nih thu a sawi.
Hma lam pan ngam tura mipuite chahin, “kan ngaituahna pawh a sang ngam tur a ni a, ram tan asset kan ni a, kan ram tan thil tha titu nih kan tum tur a ni”, Supply Minister chu- an a ti a. “Kan lungawina a hniam lutuk chuan hma kan sawn thei dawn lo, kan lungawina a san a tul” a ti.
Supply Minister chuan remchanna zawn zel tur a nih tuh pawh sawiin, “midang min pek leh min chhawpchhuahsak hun kan nghak tur a ni lova, a zawna kan za- wn a tul”, a ti a. “Kan vaiin customer care kan ni a, a tawp thak thlengin customer care hi a pawimawh hle a ni tih kan hre tur a ni,’ a ti bawk.
Kawnpuia MIZOFED Filling Station hmun chu VL Rawna (L) Chhinga Veng, Aizawl fa ten an pek a nih thu sawrkar thuchhuah chuan a tarlang a. January ni 31, 2022 ah a hmun tur laia hnathawh tan a nih thu a tarlang.
MIZOFED Filling Station thar hawnna inkhawm, MIZOFED Chairman K. Rotha- ngpuia kaihhruaiah hian Bialtu MLA K. Laldawngliana leh Kawnpui Town Jt. VC Chairman H. Lalfakzuala te pawhin thu an sawi a ni.