Mizoram Journalists’ Association (MJA), Kolasib District member ten Inrinni khan Bairabi bul Tlawng Lui kama leimin tur dawlna hna NABARD sum senga thawh mek chu tlawhin an enfiah.
Kolasib District MJA member te hi PWD Bairabi Sub -Division a thawktu ten an lo dawngsawnga, PWD hotute nen hian Bairabi Chhim venga fur laia Tlawnglui lian avanga leiminna thin leh Tla- wng luiin kuang a zauh zel tur dawlna hna- thawh mek ‘River Tr- aining Works for protection of Tlawng river bank at Bairabi phase – I’ chu an en hova. PWD hotute chuan an hnathawh dan leh hmalak chin te sawiin, hnathawh mek phase – I ah Rs. nuai 1,111 sen a nih thu an sawi.
Phase – I ah hian meter 400 a thui hna thawh a nih thu an PWD lam chuan an sawi a. He hna hi Phase – III thleng tura ruahman a nih thu sawiin, Phase – III thleng thawh a nih chuan KM 2.5 a thui tur a ni a, NAB- ARD sum Rs. nuai 6,000 hman tura ruahman a nih thu an sawi.
He hna hi kum 2022 Oct ni 17 ah thawh tan a ni a, tun dinhmunah thawh zawh thawkhat a ni tawh a, Kolasib dis- trict MJA member te lo tawiawmtu Bairabi So- uth VC Vice President C. Lalchhuankima chu- an Tlawng lui lian ava- ngin Bairabi South-ah ram zau tak a min tawh thu a sawi a, leimin vang hian in 78 a chhiat tawh thu leh in chhia zingah hian chenna in bakah Biak In leh sorkar building engemawzat a tel thu a sawi.
Bairabi South VC Vice President chuan sawrkar kaltain ‘River Training Works’ atana ruahman a tihlawhtling chu an lawm hle tih sawiin, hmachhawp mek pawh chhunzawm zel a duh thu leh Tla- wng ko hnaihah pawh mi thahnem takin chen- na in tur an sak ngam tawh thu a sawi a. Fur laia tuilen lai pawhin mipuite an thlamuan tawh thu a sawi bawk.
He hnathawh tlawh- tu Kolasib District MJA member te pawhin sawrkarin Tlawng lui lian avanga leimin zel tur dawlna a siam chu Bairabi mipuite tan a thlamuanthlak tawh hle nia an hriat thu an sawi bawk a ni.