Aizawl: Excise & Narcotics Department leh Bawngkawn Branch YMA thawk dunin methamphetamine leh crystal methamphetamine thahnem tak an man.
Inrinni zan dar 10:50 khan END leh Bawngkawn Branch YMA thawk dun chuan Bawngkawn Brigade vengah crystal methamphetamine kg 1 & Gram 30 leh methamphetamine tablet 1,66,000 (Kg 16 & gram 105) an man.
Ruihhlo neitu nia puh, Hrangtinkhara aka Robert aka Duhzuala (49), Tahan Pinlung, Kalemyo District, Myanmar, tuna Bawngkawn Brigade venga khawsa mek nia inchhal chu an man nghal.
Heng crystal methamphetamine leh methamphetamine te hi Myanmar atanga lak, state danga hralh tura ruahman mek niin an sawi.
Ruihhlo man chhuahna kawnga Bawngkawn Branch YMA te inpekna avangin Excise & Narotics Department chu a lawm hle.