February 16, Zirtawpni khan Serchhip District a hmasa ber atan Midland Middle School ah ‘Grassroot Cricket School’ hawn a ni.
‘Grassroot Cricket School’ hawnnaah hian State Level Under -16 player Hmingthanpuia’n thu a sawi bakah Grassroot Cricket School Coach tur Pu Lalawmpuia’n thu a sawi bawk.
Midland Middle School a ‘Grassroot Cricket School’ hawn thar takah hian mipa 40 leh hmeichhia 10, an vaiin naupang 50 zel zirna tura ruahman a ni a. Grassroots Cricket School naupang zawng zawngte chu Cricket an zirna tura mamawh Jersey, Lukhum, Track suit , etc pek vek an ni ang. School tual zawlah an zirna tur ‘portable cage’ siam sak tur niin naupangte chu an Zirna pangngai tibuailo thei tur ang bera he programme hi kalpui thin tur a ni bawk.