ZoCareer Solutions, Chanmari-in Mizorama pawl 12 Science Subject zirlaite tana inelna a buatsaih Pre NEET/SMATEE 2024-a Top 10 a langte lawmpuina hun leh tun- hnaia ZoCareer Coaching Institute hnuaia hna hmu thar te chawimawina hun chu Govt. Hra- ngbana College Conference Hall-ah, Zirtawpni kalta khan Education Minister Dr. Vanlalthlana’n a hmanpui.
Education Minister chuan entrance pawimawh tak taka inziaktlingte chu lawmpuiin an hmalam hun atan duhsakna a hlan a. An zirtir te a bula atanga tha taka tan tur te, tumruhna nei tur leh an hlawhtling nghal lo a nih pawhin teirei an peih phawt chuan hlaw- htlinna an la sualchhuah tur thu a sawi a. Hna ruaka inziaktling te pawh lawmpuina leh duhsakna a hlan a. Thinglung thianghlim, mitaima leh mahni hnaa inpe ramin a mamawh thu a sawi bawk.
Pre NEET/SMATEE 2024 a Top 10 te hian pawisa fai leh lawmpuina thuziak an dawng a. Hnaruak hrang hrang luah tura tunhnaia hlawhtlinna chang mi 18-te hnenah lawmpuina thilpek hlan a ni bawk a ni.