Aizawl: Border Security Force 184 battalion chuan Civic Action Programme hnuaiah, khaw pangaa a mamawh apiangte tan a thlâwna inentir theih hun an huaihawt.
Ramri hrula khaw hrang hrang – Kalapani, Balukiasuri, Gurucherra, Malsuri leh Devasora khuaah Inrinni atanga nimin thleng khan BSF 184 battalion-te hian an commandant Ahsan Shahedi-hoin Civic Action Programme an huaihawt a, BSF sipaiten tual chhung mite nen thawhhona tha zawk an neih a pawimawh tih, BSF 184 battalion Commandant chuan sawiin, ralmuanna leh himna tel lo chuan hmasawnna a awm theih loh avangin, ramri boruak a ralmuan theih nan theihtawp an chhuah zel tur thu a sawi.
Khaw hrang hranga a thlâwna inentirna hun an huaihawtah hian an hriselna endiktir mi 600 chuang awmin, damlote hnenah a thlawnin damdawi an mamawh sem nghal zel a ni a, hei bakah hian bungrua leh khawl chi hrang hrang zirna in leh mi mal hnenah an sem nghal bawk.