Aizawl : Lok Sabha inthlan lo awm tur atana inbuatsaihna kal mekah nimin khan Lawngtlai District Media Certification & Monitoring Committee chu Addl. DC Abraham Beirazi Khithie hovin an thukhawm a. 2023-a MLA inthlan an thlirlet bawk.
Election Commission of India-in model code of conduct a puan hnua political party hrang hrang ten Electronic media kaltlanga fakna an chhuah dan tura inkaihruaina a siam te sawihovin, inkaihhruaina chu political party-te hnenah zirtirna buatsaih ni se, an ti a. Electronic Media bakah Pamphlet, Poster leh Banner tar phalna pek chhuah hmain Media Certification neih hmasak a tul thu te an sawi.
2023 MLA inthlanah Lawngtlai district MCMC chuan Political Advertisement chhuah dilna 11 dawngin Newspaper Advertisement 19 a ziaklut bawk a ni.
He thutkhawmna ah hian MCMC mawhphurhna hrang hrangte inhrilhhriat leh niin, inthlan boruak ralmuang leh thianghlim a awm theih nan Electronic Media/ Social Media hmansualna thleng tur ven leh thlitfim hna thawk tur an nih thu sawilan thar leh a ni a. Political Advertisement hmanga inthlanna senso chhinchhiahna hmanraw pawimawh tak a nih thu an sawi bawk.