Nipui bazar inhawn huna Paris St-Germain chhuahsan tur France striker Kylian Mbappe chu Real Madrid nen kum nga daih conract ziak turin an inrem. (Marca – in Spanish)
PSG a chhuahsan dawn tih a sawi chian hma ni thleng khan Mbappe hi EPL champion Manchester City nen an lo indawr ve ngar ngar. (Cadena Ser – in Spanish)
Bayern Munich-ah hlimna tluantlin hmu zo lo anga sawi Harry Kane-a dinhmun chu Chelsea in an thlithlai uluk hle. (Football Insider)
Liverpool chuan an hnen atanga chhuak tur manager Jurgen Klopp leh sporting director Jorg Schmadtke te hmunruak luah turin Bayer Leverkusen manager Xabi Alonso leh sporting director Simon Rolfes te chu sum hlawm lian sengin lak luh ngei an tum. (Football Insider)
Tottenham chuan nipui bazar inhawn hunah kum 21 mi Everton midfielder James Garner la turin ruahmanna an siam. (Teamtalk)
Oliver Glasner chuan Roy Hodgson thlaka kum hnih leh a chanve chhung Crystal Palace manager nih a remti. (Sky Sports)
Arsenal chuan inrinni zan khan kum 19 mi Red Bull Salzburg leh Israel midfielder Oscar Gloukh chu uluk takin an thlithlai. (Football Transfers)
Nikaw chhung lekin vawi thum ngawt tlawm zawn bawk mah se Bayern Munich chuan an manager Thomas Tuchel ban an la tum rih lo. (Sky Germany)
Barcelona president Joan Laporta chuan Xavi thlaktu tura an duh Brighton manager Roberto de Zerbi chu thlithlai uluk leh zual turin a naute a hrilh. (Sport – in Spanish)
Kum 33 mi Birmingham City leh Republic of Ireland defender Kevin Long chuan MLS club Toronto FC a zawm fel thei tep tawh. (Birmingham Mail)