Chief Minister Lalduhoma’n Mizoramin medical college a neih awmchhun Zoram Medical College (ZMC) in National medical Commission endikna a paltlang theihna’n theihtawp an chhuah thu a sawi.
Thawhtannia hian chief minister Lalduhoma hi a pisa-ah Zoram Medical College Faculty & Doctors Association (ZFDA) hruaitute’n an kawm a. An inkawmnaah ZMC tihchangtlun nan tun leh tuna mamawh nghal thilte lei nan Mizoram sorkarin Rs. 1.2 crore an pe tawh a, a bak mamawh dangte leina leh thawhna tur pawh central sorkarin a phalsak angin, fund an dil a. MP inthlana model code of conduct an puan hma ngeia a hmahruai an rawn pek hman an beisei thu a sawi.
Chief minister Lalduhoma chuan tun hnaia sorkar laipui dawra a zinnaah National Medical Commission tehna thil tam takte chu Mizoram angah a tlin ve theih loh thute a thlen tih a sawiin, “Ngaihhnathiamna min pe turin ka ngen a, min tihsak pawh kan beisei a ni,” a ti.
ZFDA hruaitute’n chief minister hnenah hian CM Relief Fund atan Rs 40,000 an hlan.