Thawhlehni khan RG- Stadium, Mualpui ah Khelo India University Games (KIUG) – Men’s football khelh chhunzawm a ni a. Group B atangin University of Kerala leh Shivaji University ten 3-2 ve ve in an khingpuite an hneh a, point thum an hmu.
Thawhlehniah inkhel hmasa zawkah University of Kerala chuan Mahatma Gan-dhi University, Kottayam an hmachhawn a, minute 20 chhunga goal thum an thun an chakpui. Kerala tan hian inkhel tan atanga minute 14-na lekah Vipul Velayudhan chu-an hmahruaina goal a thun, Hmahruaiana goal an thun atanga minute li hnu lekah Harisankar KS chuan an goal hnihna a thun zui leh nghal. Minute li chhung leka goal hnih an chhuah vangin MGU an buai zual a, goal dang an chhuah belh leh. Minute 20-naah Jijo Jaison chuan an goal thumna a thun a, an hmahruaina a tizau leh zual.
Inhnaihchilh taka goal thum an chhuah zawn hnuin MGU an insiamtha a, Vinu F chuan minute 22-naah goal thunin an si phurh a sut then. Goal thun belh tumin an khingpuite an nawr zui viau a, hun tawp dawn hnaih minute 81-naah Jacob C chuan an goal hnihna thun leh bawk mah se tlawm an pumpelh zo ta chuang lova, uiawm takin an tlawm.
Thawhlehnia inkhel hnuhnung zawkah Shi-vaji University chuan Aditya Parashram Kal-loli hattrick siam hma-ngin an khingpui Adamas University an hneh.
Shivaji University tan hian minute 5-na lekah Aditya Para-shram Kalloli chuan hmahruaina goal a thun nghal. Kalloli hian chawlhlawk hma in goal hnih a thun belh leh a, inelna kal meka a hmasa ber ni turin hattrick a siam. Shivaji tan hian Debjit Basak leh Rahul KR Paswan ten goal thun bawk mah se an si phurh an sut zo thei ta lo.
KIUG Men’s football hi vawiin chaw-hma dar 11:00-ah khelh chhunzawm a ni dawn a. Guru Nanak Dev University leh University of Calcutta te a inkhel hmasa ang a. Chawhnu dar 2:00-ah champion lai University of Punjab in University of Calicut an hmachhawn zui ve leh ang.