Nimin chawhnu dar 3 khan Durbar Hall, Raj Bhavan-ah ‘Ek Bharat Shres- htha Bharat’ hmalak- na hnuaiah Mizoram Larsap Dr. Hari Babu Kambhampati chuan Mizoram leh Aruna- chal Pradesh State-te pualin Foundation Day lawmna hun a buatsaih.
Larsap chuan kum 37 kaltaah Mizoram leh Arunachal Prad- esh-te chu India ram State 23-na leh 24-na atana puan a nih thu sawiin, Foundation Day lawm tura State pahnih aiawha kalkha- wmte Raj Bhavan-ah a lo lawm a. Kum 20 dawn rambuai a nih hnuah June ni 30, 1986 a Sawrkar laipui leh Mizo National Front ten inremna thuthlung Peace Accord an ziak a, hemi hnu February ni 20, 1987 ah Mizoram chu State puitlinga hlankai a ni, a ti.
State a nih hmain harsatna hrang hrang tawk bawk mahse tuna pawimawh ber chu India ram state zinga ralmuang ber a ni thei hi a ni, a ti bawk.
British rorelna hn- uaia awm hun ata tawh kum 1972 thlengin Arunachal Prad- esh pawh North East Frontier Agency (NE- FA) tia vuah a nih thu leh hemi kum January ni 20, 1972 ah Union Territory-a hlankai niin, Arunachal Prad- esh tia thlak a nih tak thu a sawi a. State of Arunachal Pradesh Act, 1986 hmangin India State 24-na ni turin February ni 20, 1987 ah State puitli- nga hlankai a nih thu sawiin, state mawi tak ecology hausa tak a nih thu a sawi.
Larsap chuan Mizoram leh Arunchal Pradesh ten international border thui tak an neih thu leh Mizoramin Myanmar leh Bangladesh, Arunac- hal Pradesh-in China, Bhutan leh Tibet-te a neih thu a sawi a. He- mi a nih avang hian state pahnih ten ram venhim leh inpumkh- atna siam kawngah mawhphurhna lian tak an neih dun thu a sawi.
Mahni mihringpuite chunga ngilneihna hloh chuang lova ram hmangaihna leh venhim kawnga dinngheh tlat a tul thu sawiin, India khua leh tui kan nih theuh avangin kan chenna ram venhim hi kan zavaia mawhphurhna a ni, a ti bawk.
India ram State leh UT hrang hranga che- ng mipuite inkarah inpawhna tha zawk leh inunauna tha zawk si- am a nih theih nana sawrkar laipui progra- mme Ek Bharat Shre- shtha Bharat hnuaia hmalaknate sawiin, he- mi chhawmnung tur hian theihtawp kan chhuah tlan a ngai a, state dangte hun pawimawh kan inlawmsak tawn pawh hi hemi hnuaia hmalakna hla- whtlinna tarlangtu pa- khat a ni, a ti.
Larsap chuan khua leh tui kan nih angin kan ram chhunga hn- am ziarang hausa tak hi kan hriat chiana kan inzahsaktawn a pawimawh hle a ni, a ti bawk.
He hun kaihhruai- tu Larsap PS Lalngaihzuala”n program buatsaih chhan a sawi- fiah a. Arunachal Pra- desh Larsap Lt. Gen. K.T. Parnaik, PVSM, UYSM, YSM (Retd.) video message ngaihthlak niin Arunachal Pradesh State chunch- ang video clip thlirho a ni a. Prof. H. Lalth- anzara, Principal, Pa- chhunga University College leh Pakbom Koyu, General Secretary, MZU Students’ Council te pawhin thusawiin, state pahnih zirlai MZU leh RIPANS atanga tel ten hnam lam leh zai mawi tak tak an entira, hun hlimawm tak an hmangho a ni.
Northeast Areas (Reorganisation) Act, 1971 hnuaiah kum 1972 khan Mizoram chu Union Territory (UT) a puan a ni a. India ram Danpui siamthat vawi 53-na, 1986 hnuah India ram State 23-na ni tura hlankai a ni.
Arunachal Pradesh pawh North-East Fro- ntier Agency (NEFA) tia koh niin, kum 1972 khan NEFA chu Union Territory (UT) ah hlankai a ni a. February ni 20, 1987 khan India ram danpui siamthat vawi 55-na, 1986 hnuah India ram State 24-na a ni ta a ni.
Ek Bharat Shresh- tha Bharat programme hian India rama State leh UT hrang hranga cheng hnam hrang hrang, hnam ziarang leh nunphung inang lo tak takte inkara inp- awhna tha zawk siam leh an inkara inhriatthiam tawnna nasa zawk siam a tum a. Ek Bharat Shreshtha Bharat programme ka- ltlang hian India rama State leh UT hrang hrangte Foundation Day chu Raj Bhavan, Mizoramah Governor kaihruaiin a lawmna June, 2023 atang khan buatsaih tan a ni a; vawiin thlengin State 19 leh UT zawng zawngte Foundation Day lawmna neih tawh a ni.