Rashford hi PSG president Nasser Al-Khelaifi pawhin a mimal takin lak atan a lo duh ve hle. (MEN)
Bayer Leverkusen director of sport Simon Rolfes chuan an manager Xabi Alonso chu club lian zawk Liverpool leh Bayern Munich ten ngaihven bawk mah se an hnenah a cham ngei dawn tih a chian thu a sawi. (Mirror)
Manchester United leh Liverpool te chu Premier League atanga Atalanta defensive midfielder Ederson ngaihven zingah an tel a. Kum 24 mi hi Arsenal, Newcastle leh Tottenham te pawhin an umzui ve bawk. (Gazzetta dello Sport – in Italian)
Juventus pawhin Ederson hi an hmutai a, mah se, Serie A club lian hian Ederson-a’n Atalanta tana a khelhpui Teun Koopmeiners chu an duh zawk ta thung. (Gazzetta dello Sport – in Italian)
Manchester United chuan Juventus in 70m euros (£59.8m) an chhiar Brazil defender Gleison Bremer chu lak tumin an ngaihven. (Calciomercato – in Italian)
Fulham vice-chairman Tony Khan chuan Portugal midfielder Joao Palhinha contract thar ziahpui an tum thu a sawi. (Talksport)
Manchester United chuan nipui bazar inhawn hunah Bayern Munich & England striker Harry Kane leh Barcelona & Netherlands midfielder Frenkie de Jong te chu nipui bazar inhawn hunah ngaihven thar leh an tum. (Football Transfers)
Aston Villa chu Red Bull Salzburg midfielder Oscar Gloukh dawr turin an inbuatsaih a, kum 19 mi hi Manchester United, Arsenal, Liverpool, Newcastle United leh Barcelona te pawhin an mit mei a, amanah 20m euros (£17m) an tawktarh hlawm. (Ekrem Konur)
Sheffield Wednesday, Bolton Wanderers leh Peterborough United chu Jamaica midfielder Ravel Morrison chu free transfer in lak theih a ni tih an hai lang a. Morrison hian MLS club DC United an chhuahsan fel tawh. (Teamtalk)