Aizawl: Zo Re-unification Organisation (ZoRO) chuan India sorkarin Myanmar leh India ramri-a zalen tana inkalpawh theihna (Free Movement Regime) hlih a tum leh ramri hung a tum duh lohna lantir nan ramri-ah lungawi lohna lantir an tum.
Nilaini khan ZoRO chuan an pisa-ah executive meeting neiin tun hnaia Nagaland-a ‘North East India Symposium on India-Myanmar Border Issue’ neih an thlir let a. India leh Myanmar ramri sawihona neihah hian FMR hlih tum duh lohna leh ramri hung duh lohna lantirah hmarchhak mipuite, a bikin Nagaland, Manipur leh Mizoram te pheikhai ruala kalhoa ramri hrul remchangah state hrang hrangin lungawi lohna a rual a neih nise tih a nih angin lungawi lohna lantir tum nise an ti.
ZoRO chuan India sorkarin FMR hlih a tum leh inrina hung a tum chu tha an tih loh thu leh dodalna pawh a lo lantir tawh thu te, prime minister hnenah memorandum a lo theh lut tawh thu leh duh loh lantir nan Home Minister Amit Shah lim pawh a lo hal tawh tih an sawi a. India sorkarin FMR hlih a tum leh ramri hung a tum chu an tihhlawhtlin loh nan hma an lak zel tur thu an sawi.