Supreme Court chuan sorkar laipui leh state hrang hrang 11-te chu Pulwama-a CRPF sipai beih an nih hnua Kashmiri-te kutthlak an awm fo avangin an himna tur ngaihtuahsak turin a hriattir.
Court sang ber hian state 11-a chief secretary leh DGP bakah Delhi Police chief hnenah hriattirna pein Kashmiri leh hnam tlem zawk dangte himna chu a rang thei ang leh a tul ang zela dap turin a ti a ni.
Mipui thinrim pungkhawm chetna (mob rule) lam kaihhnawih changtu officer-te pawh Pulwama beihna a thlen hnua Kashmiri zirlaite beih an nih chuan ngaihtuah nghal turin a ti bawk.
Chief Justice Ranjan Gogoi-a kaihhruai bench hian nimin khan Kashmiri himna tura PIL thehlut hi a ngaihtuah a, thutlukna siamin hriattirna a chhuah nghal a ni.