Kolasib Bawrhsap John LT Sanga’n nimin khan Kolasib Sub-Headquarters MCO Silver Jubilee lawmna hun a hmanpui.
Mizoram Cultural Organisation (MCO), Sub-Headquarters, Kolasib chuan nimin khan St Joseph’s Parish Hall, Kolasib-a an kum 25-na (Silver Jubilee) an lawm a. He hun hmanpuitu Kolasib Bawr- hsap, Kolasib Sub-Headquarters MCO Patron ni bawk John LT Sanga chuan Mizo hnam ziarang leh nunphung vawngnung tura pawl din chu ropui leh hlu a tih thu sawiin, MCO Sub-Headquarters Kolasib-in Silver Jubilee an thleng chu a lawmpui tuh a sawi a. Hruaitute leh member-te inpekna fakin, Kolasib District timawi ṭhintu an nih avangin lawmthu a hrilh a, an kal zelna turah duhsakna a hlan bawk.
Kolasib Sub-Headquarters MCO Patron mihringte hi culture siamtu kan ni a; chutih rual chuan culture hian mihringah min siam a ni, tiin, kan culture hi hnam damna leh hmasawn zel tura hnam min chawmtu a ni, a ti a. Khawvel hmasawnna chak taka a kal rualin, mahni hnam ziarang leh nunphung (culture) vu- lh lian thiam apiang hnam zahawm an ni zel ang, tiin; culture chu hnam lam emaw, hnam thuam inbel ringawtah emaw ni lovin, nitin khawsakphung leh nu- ngchangah a lang chh- uak tur a ni a, khawi hmunah pawh awm i la, kan hnam ziarang leh nunphung kalsan lova kan chhawm nun zel a pawimawh a ni, a ti.
He hun hmanpuitu dang Kolasib Sub-He- adquarters MCO Foun- der President Dr C. Lalzarliana pawhin MCO hminga an chet chhuahna aṭangin hna- mpui zawk ten Mizo zai, lam leh ziarang hr- ang hrang an ngaisang tih a hmuh thu sawiin, MCO hmalakna chu mimal mawina tur ni lovin, khawtlang mawina leh hmingṭhatna tur a nih thu a sawi a. Thangtharte chu hnam ziarang leh nunphung zahpui lova vawngnung zel turin a chah.
Silver Jubilee law- mna hunah hian MCO General Headquarters leh Kolasib Sub-Headquarters hruaitute, Kolasib Sub-Headquarters MCO hnuaia club hr- ang hrangte, hruaitu hluite leh pawl hrang hrang hruaitu sawm bikte an tel a. Sub-He- adquarters MCO President C. Lalrinkima’n inlawmna thu sawiin, UPC (NEI) pastor Rev. C. Lalmuanpuia’n hunserh a hmang a. Hruaitu hlui chatuan ram pan tate sunna hun hm- an niin, silver jubilee souvenir pho chhuah a nih bakah, kum 1999 – 2024 inkar chhunga Sub-Headquarters MCO hruaitu (office bearer) lo ni tawh mi 29 te hnenah chawima- wina thuziak hlan bawk.
Sub-Headquarters MCO Secretary R. Lalthantluanga’n report pein, MCO General Headquarters Vice Pre- sident John Saikhuma’n thu a sawi bawk a. Chawhnu lamah cultural programme hman niin, club hrang hrang leh mimal aṭang te’n hnam lam leh zai thlir ho va, ngaihthlak ho a ni a. Tlai lamah silver jubilee lawmna ruai an kilho a ni.
Kolasib Sub-Headquarters MCO hi kum 1999 February ni 23 khan ‘Mizo Cultural Club Union, Aizawl North District’ tih hm- ingpuin Kolasib DAO C. Lalzarliana in-ah Kolasib khawpui chh- unga cultural club pali – Venglai, Diakkawn, Vengthar leh College Veng hruaitu kalkhawm ten an din a ni a. Aizawl North District chu Kolasib District tia thlak a nih tak avangin kum 1999 June ni 23 khan ‘Kolasib District Mizo Cultural Association’ tiin thlak zui a ni a. Kum 2000 September ni 15 khan Aizawl lama pawl ding tawh sa, Mizo Cultural Organisation-ah inchhunglutin, ‘Mizo Cultural Organisation, Sub-Headquarters, Kolasib’ tih a lo ni ta a. Tunah hian Kolasib Sub-Headquarters MCO hnuaiah hian inziak lut branch/club 23 an awm mek a ni.