Manchester United co-owner Sir Jim Ratcliffe chuan Champions League khelh phak a ngai pawimawh hle a. An manager Erik ten Hag chungchangah thutlukna siam pawh season tawp hun ngah thlen law law a duh. Ten Hag tan United enkawl chhunzawm turin UCL khelh phak a pawimawh viau dawn. (Star)
Manchester United hian an manager Ten Hag an ban a nih chuan season tawp huna Bayern Munich chhuahsan thu Thomas Tuchel tan thil lawmawm a ni thei dawn. (Sky Germany)
Manchester United in an chhuahtir dawn a nih pawhin Mason Greenwood chuan amah ngaihventu FC Barcelona zawm a tum lova, loan-a a khelh mekna Getafe-ah khelh chhunzawm a duh. (Sun)
Liverpool chuan nipui bazar liam ta khan Chelsea in Uruguay forward Darwin Nunez lak tuma an dawrna an hnar. (Times – subscription required)
Arsenal chuan nipui bazar inhawn hunah Belgium leh Everton midfielder Amadou Onana lak ngei an tum. (Teamtalk)
Liverpool in an manager thar ni tura an duh ber Bayer Leverkusen boss Xabi Alonso an ruai thei lo a nih chuan Sporting Lisbon manager Ruben Amorim chu Jurgen Klopp hmunruak luahtu tura an duh ber a ni tih an puang zar. (Independent)
Khelhna hmun a chan tam theih loh vangin lungawi lo bawk mah se Tottenham leh England defender Eric Dier chu Bayern Munich-ah a cham chhunzawm hmel tho. (Bild via Mail)
Manchester City chuan Norway attacker Oscar Bobb chu contract thar an ziahpui hnai tawh. (Mail)
Italian Serie A club tam takin an ngaihven midfielder Pierre-Emile Hojbjerg chu Tottenham in an hnenah a cham chhunzawm an ring tawh lo. (Football Insider)
Arsenal chuan Rangers rawlthar kum 15 mi starlet Alexander Smith an la fel thei tep tawh. (Sun)