March ni 1-a Lungleia Chapchar Kût hman dan tur ng- aihtuahin nimin khan Chapchar kût-2024 Organizing Committee chu an Chairman Addl. DC Donny Lalruatsanga hovin an thukhawm a. Inpuah- chahna hrang hrang te sawihovin, hmalak ta- whna leh hmachhawp la awm te leh sum hmanna tur ruahman te an thlirho bawk.
Lungleiah hian C. Thuamluaia Mualah chawhma dar 10:30 atangin Chapchar Kut hi an hmang tan dawn a. Minister Lalrinpuii chu Kût Nu a ni ang a, Lunglei Bawrhsap Ramdinliani chu kut thlengtu a ni ang.
Chapchar Kût law- mna-ah hian MUP ten Hlado(tlângtlir) chha- min, MHIP Sub-Hq- rs. leh YMA Branch hrang hrang ten hnam lam chi hrang hrang – Sarlamkai, Cheraw kan, Chawnglaizawn, Chheih lam, khual lam, Siktui thiang lam leh a dang te an entir anga, Zaithiam mi 14 leh YMA Sub-Hqrs zaipawl ten zaiin mi- pui an awi ang.
Lungleiah hian Chapchar Kût Hrâite leh Chapchar Kût Miss an thlang dawn a. Chapchar Kût-2024 lawmna C. Thuamluaia Muala neih turah hian stall te siamin, ei tur leh thil dang dang zawrh chhuah tum niin, photo booth leh photo gallery te buatsaih tum a ni bawk.
Champhai ah pawh nimin vek khan Cha- pchar Kut hman dan tur ngaihtuahin Chap- char Kut Celebration Committee chu an Chairman, Champhai Bawrhsap James Lalrinchhana hovin an thukhawm a. Progra- mme Sub Committee in Chapchar Kut hm- an dan tur an lo duan lawk chu thlirhovin, belh ngai leh paih ng- ai te an siamrem a ni.
Chapchar Kut law- mna hi Champhai Zo- tlang Sports Comple- x-ah hman a ni anga, Champhai South bial- tu MLA Lt. Col. Cle- ment Lalhmingthanga chu Kut Pa a ni anga, District Bawrhsap Ja- mes Lalrinchhana chu kut thlengtu a ni ang.
Pastor E. Vanlal- peka, Zote UPC NEI Bethel bialtu Pastor chuan hunserh a hm- ang anga, thuthmun Branch YMA Chhang ten Sarlamkai an entir ang a, thuthmun bra- nch hnuaia Branch thlanbik ten hnam lam chi hrang hrang an entir ang a, Sub Hea- dquarters MHIP thut- hmun branch ten parl- am an entir bawk ang. District MUP te’n Hlado chhamin, Am- osa Vocal Point te an zai ang a, anni bakah hian Champhai zaith- iam te an zai dawn bakah Guest Artist Zaii Hauchhum a zai bawk ang.
Kut Miss an thlang leh dawn a, pakhatna atanga pathumna thl- eng thlan an ni anga, naupang inchei nalh mipa leh hmeichhia thlan an ni leh bawk ang a, Chai in hun hmasa khar a ni dawn ang. Hun hnihna chu Live Concert-a hman tur niin MZI Hqrs. kutah an dah a ni.
Khawzawlah-ah pawh nimin vek khan Chapchar Kut Lawm dan tur thlirhovin Khawzawl District Chapchar Kut Working Committee an thukhawm a. Chap- char Kut chu Sub-Hq- rs YMA Field, Khaw- zawlah an hman dawn a. Deputy Govt. Chief Whip, Tuichang bi- altu MLA W. Chhuanawma chu Kut pa atan an sawm a, Khawzawl Bawrhsap K. Lalrohlua chu Kut thlengtu a ni ang.