Aizawl : Nimin khan Goodwill Foundation leh SBI Foundation hmalaknaa buatsaih Mobile Medical Service SBI Sanjeevani-Clinic on Wheels chu Mamit-ah Mamit District Medical Superintendent Dr. Lalrinfela H. in a hawng.
He Mobile Medical Unit hian Mamit district-a khaw thlan bik khaw 20 ah kal kualin Mobile medical check up te neiin hriselna lam hna an kalpui thin dawn a ni.
Hawngtu Dr. Lalrinfela chuan Mamit district-in a mamawh ber hriselna lam kawnga Goodwill Foundation leh SBI Foundation lamin min rawn chhawk theih dawn hi kan lawm tak zet a, Mamit district mipuite tan hlawkna ropui tak a ni dawna mipuite pawhin a dawnsawn dan kan thiam a ngai a, Goodwill Foundation leh SBI Foundation chungah ka lawm tak zet a ni a ti.
SBI Sanjeevani-Clinic on Wheels flag off program hi Goodwill Foundation Board of Director Lalremruata Khiangte in a kaihruai a, Chief Functionary Christopher Lun’an Mobile Medical Unit chanchin leh report pein, Rev. R. Lalhmingthanga Luangpawl bialtu pastorin Pathian hnena hlanna hung hmangin Goodwill Foundation Project Manager Dr. Emmanuel Zoramsanga’n lawmthu sawina hun a hmang bawk a ni.
Mobile Medical Van flag off anih hnuah Luangpawl khuaah medical health check up neih niin mi tam tak hriselna endik nghal a ni bawk.