AZL: Aizawl District Judicial Magistrate chuan tunhnai khan saphu kawr hmanga dan loa sumdawnna-a inhnamhnawih mi pahnih David Lalthutiama (56), Ainawn Veng, Aizawl leh Lalvarsanga (33), Sakawrdai-te chu Rs 10,000 chawi turin a hrem.
David Lalthutiama leh Lalvarsangate hian Rs. 10,000 chawi tur hi an nei lo a nih chuan ni 90 chhung jail-ah an tan a ngai dawn.
Saphu kawr hmanga dan bawhchhetute hi September 15, 2023 khan Forest Department leh Wildlife Crime Control Bureau (WCCB) tangkawp chuan manin, Wildlife (Protection) Act, 1972 hnuaiah thubuai an siam sak a ni.
Man an nih lai hian saphu kawr kg. 24.5 an lo kawl.
Forest Department Mizoram rohlu – kan ramngaw leh nungchate nasa leh zuala humhalh kawngah leh dan bawhchhetute zawnchhuah kawngah min thawhpui zel turin mipui an ngen.