Aizawl : MYC Ch- airman Malsawmzuala Ralte leh OSD to CM Jonathan Lalremruata te chu nimin khan National Skill Development Corporation off- ice-ah lengin Ved Mani Tiwari, CEO leh Ma- yank Bhatnagar, Natio- nal Head State Engagement te nen an inkawm a. Mizo thalaite tana skill development training buatsaih dan tur sawihovin, hmalakho ni se, an ti. Okhla Industrial Estate a Mizo thalai skill training tura thawn theih dan tur ruahmanna siam ni se an ti bawk.
Confederation of Indian Industry Summit- The Ashok Hotel, Delhi-ah tellehin hetah hian CII hotu Brig. Ashis Bhattacharyya (retd), Principal Advisor nen an inkawm a. CII lam hian skill leh entrepreneurship development training a bika an buatsaih thin dan leh a training chhuak ten zaah za hna an hmuh nghal thin thute an sawi a, hetiang lam training hi buatsaih ho ni se, tiin an rel niin sawrkar thu- chhuah chuan a tarlang.
Nimin vek khan MYC Chairman Malsawmzuala Ralte chuan HCL Foundation office Noida-a tlawh a, General manager Robin Thomas leh Manager Anjul Srivasta te nen inkawmin, Mizo thalaite tana hmalak theih dan tur an sawiho.
HCL foundation hotute chuan MYC in hm- un hla tak atanga an ra- wn pan avanga lawmthu sawiin, an programme pakhat Sports for cha- nge hnuaia MYC nen an thawhho theih thu an lo hrilh a. Mizo thalai leh naupang harsa zawk te tan Sport discipline hr- ang hrangah mumal ta- kin training an pe thei a, sport a Mizo naupangte theihna tam tak haichhuah kawnga hmalaho turin ruahmanna an sia- m nghal a. Remchang hmasaberah HCL Foundation hian Aizawl a an lo zin tur thu an sawi niin sorkar thuchhuah chuan a tarlang bawk.