Aerosmith puipa Steven Tyler laka mipat hmeichhiatna lam hawi thubuai siamsak chu thu tling lovah ngaiin, court-in a hnawl.
He thubuai hi November 2023 khan rock veteran laka siam a lo ni tawh a, model tleirawl pakhat chuan 1975 khan mipat hmeichhiatna lam hawiin Stevene hian a khawih nawmnah tiin, thubuai a siam.
Jeanne Bellino hian ni khat thil thu-ah vawi hnih khawih a tawk niin, a sawi a, hetih lai hian kum 17 mi vel lek a la ni.
US District Judge Lewis Kaplan chuan Steven laka puhna hi hnawl in, thubuai hlabuai chai chhunzawm a, hling chho tak tak turin he inpuhna hi thu bul leh hla bul a nei lova, chaw tak khukpui chi a nih loh thu a sawi.
Hetih lai hian, Steven lakah thubuai dang a kal ve reng bawk a, 2022 khan hmeichhe pakhat chuan heti ang lam hawi tho hian a lakah thubuai a thehlut. Steven erawh chuan he puhna hi nasa takin a pha thung.