Kum hnih liam ta khan Aamir Khan film, ‘Laal Singh Chaddha’ chu tlangzarh a lo ni daih tawh a, tun thleng hian an la sawi bang thei lo. He film hi box office lamah a tlu sawp chiang hle a, Aamir-a lemchan zinkawnga chetchhiat ber tum a ni hial awm e.
Indian news channel ABP news-in a kawmna ah movie chetchhiat dan te leh khatih laia zirlai a zirchhuah te thlengin sawichhuahna a nei.
Film tlangzarh a nih hnu-a chhanletna duhawm lo tak khan a chhungril a hliam na hle tih sawiinn, “He film hi ka thinlung hnai em emtu a ni a. Ka changpui- Advait, Kareena leh thawhpui zawng zawngte pawhin theihtawp an chhuah vek a, mahse a flop tho.
“Thil pahnih langsar tak alo thleng a- Khatia rei tak film a chetchhiah khan chhungte leh thianthate lo lengin, ‘Ka that leh that loh thu te min rawn zawt a, ka hriatchhuak taka chu a flop hnu khan hmangaihna tam tak ka dawng, tih hi a ni,” a ti.
Sawi chhunzawmin, “Hei hi a hlimawm lam zawkah lo dah ta ila. Thil chiang em em zawka chu hlawhthchhamna hian engnge i tih sual, tih chiang em em maia a hrilh che kha a ni. Story zulzui a, tihsual lian em em mai hriatchianna hun tha min siamsak ka ti lo thei lo,” a ti bawk.