Aizawl: Sorkar laipui Ministry of Information & Broadcasting hnuaia Central Bureau of Communication, Aizawl Office-in Integrated Communication & Outreach Programme & Photo Exhibition on ‘9 Years of Seva, Sushasan & Garib Kalyan’ programme a buatsaih chu Inrinni khan Adviser to CM (Finance & Planning), TBC Lalvenchhunga chu khuallian niin a hawng.
Chawlhmun Community Hall-a buatsaihah hian TBC Lalvenchhunga hian Mizoram tan sorkar laipui scheme hrang hrangte chu an pawimawh tih sawiin heng scheme-te hi a mamawh tak takten sorkar hmalakna an dawn theih nan puanzar kawngah tan lak a tul thu a sawi.
TBC Lalvenchhunga chuan Mizoram mipuite tan a that zawk nan central leh Mizoram hmalaknate a theih anga tam kaihkawp a tul thu a sawi a. Central Bureau of Communication, Aizawl chu thawktu indaih lo chungin mipuite’n central sorkar scheme-te zau zawka an hriat theih nan tun aia chak zawka an kal a duh thu leh Aizawl pawnah inzar pharh turin a chah.
He hunah hian Dr H. Lalzuithangi, Associate Professor, Hrangbana College chuan Central sorkar flagship scheme hrang hrang chungchang a sawi fiah bawk.