AZL: BJP Mizoram President Vanlalhmuaka’n Mizoram mipuiin party an ruihchilh avang leh lal an duhna avangin sorkar laipui atangin sum tam tak hnawlin, sorkar chawpin kutdawhah an chhuah vek tih a sawi.
BJP Mizoramin nimina an pisa-a chawlhkar thar inhlanna leh political session hun hmanah Vanlalhmuaka chuan PM Modi leh BJP President JP Nadda ten Mizoram mamawh hriain retheihna ata khai chhuahna atan MLA inthlanpui neih zawh taka an manifesto-ah, central-ah a hranpaa sum dil ngai lovin, hmarchhak state dangte ang thovin BJP telna sorkar Mizoramah a piana hman nghal theih turin a duang tih a sawi.
Mizoram mipuite an harh a ngai tih sawiin, “Political party-te pawhin party politics chauh nilo, Mizoram hmasawnna thlenna tur tak tak politics hi kan ngaihtuah tel a, rilru kan sen tlan a ngai a. MP inthlanah pawh kan state hmakhua thlir a pawimawh hle dawn a ni,” a ti.