Aizawl: MNF party hruaitu thlanna neih tura party official candidate-te chuan nimin khan Returning Officer Dr Zoramdinthara hnenah nomination an theh lut.
MNF party chuan March 15, 2024 hian elected office bearer thlanna an nei dawn a, hemi atana party-in a din nomination committee chuan post pali atang official candidate mi panga ruat a, chung mite chuan nimin khan RO hnenah nomination an theh lut a ni.
Tar lan tawh thin angin nomination committee-in official candidate atana a ruatte chu president post-ah Zoramthanga, senior vice president-ah Dr. R. Lalthangliana, vice president-ah mi pahnih Lalchhandama Ralte leh Vanlalzawma, treasurer post-ah Lalruatkima te an ni.
MNF general headquarters Elected OB thar thlanna neih tura chuh tum tana nomination theh luh hun chu February 26 atanga 28 inkar chhung hawn a ni a, February 29-ah nomination paper endik a ni anga, inhnukdawk leh duh tan March 2 thleng hun hawn a ni ang.