Aizawl: Mizo Zirlai Pawl (MZP) Gen. Hqrs hruaituten nimin tlai dar 4 khan P&E Minister F Rodingliana chu a chenna inah an kawm a. HSLC leh HSSLC exam lo awm turah kawlphetha khaihlaka lova pekchhuah a nih theih nana hma la turin an ngen.
MZP hruaitute hian, HSLC leh HSSLC exam lo awm turah zirlaiten lehkha tha taka an zir theih nana kawlphetha a awm theih nan hma la turin P&E Minister F Rodingliana an ngen a. Minister pawhin hma a lak nghal tur thu lo hrilhin, khua a lum chhoh zel avangin kawlphethaa indaih lohna pawh a ziaawm chhih a beisei thu a sawi.
Thuchhuah an siam MZP chuan P&E department hotute pawh zirlaite an exam hun chhung hian an zirlai tibuai thei power supply khaihlak lova pekchhuah a nih theih nan theihtawp chhuah turin an ngen a. Zirlaite zirna tibuai thei zawnga ri bengchheng leh zirlaite rilru tibuai thei programme huaihawt lo turin Mizo mipuite an ngen nghal bawk.