Tamil Maanila Congress (TMC) chuan Lok Sabha inthlanpui lo awm tur chu BJP kaihhruai NDA nen an chuh dawn tih tih party chief G K Vasan chuan Thawhtanni khan a sawi.
“Prime Minister Narendra Modi-a’n Palladam, Tirupur district-a Thawhlehnia vantlang inkhawm a kohvah pawh ka tel dawn,” tiin thuthar lakhawmtute hnenah Vasan hian a sawi.
“Tamil Maanila Congress hian NDA-a tel vein BJP kaihhruaina hnuaiah inthlan hi kan hmachhawn dawn a ni,” a ti.
Vasan-a’n an thawhpui dawn tia a puan hi BJP-in Tamil Nadu-a inthlan chuhpui tur a neih hmasak ber an ni a. Rorel lai, DMK leh AIADMK nena thawhho chu a tum lo.
AIADMK kaihhruai NDA tangho hian Tamil Nadu-ah hian kum 2021 assembly inthlan kha an hmachhawn a, Vasan-a thu puan thar hian AIADMK hi an kalsan dawn ta niin a lang.
Edappadi K Palaniswami-a kaihhruai AIADMK hian September, 2023 khan BJP an thawhpui dawn tih an lo puang tawh.
Vasan-a hian an party chu a pa, hruaitu hlun tak, G K Moopanar-a’n a din atang khan ‘ram pum an thlir’ tih a sawi a. BJP nena thawhho hian Tamil Nadu leh Tamil mite thatna tur leh India than duanna tur an thlir vang niin a sawi bawk.